Umsóknir um endurnýjun dvalarleyfa er nú hægt að senda Útlendingastofnun með rafrænum hætti í gegnum vef island.is

Rafræn umsókn um endurnýjun er annað stóra skrefið í stafrænni vegferð Útlendingastofnunar á eftir rafrænni umsókn um íslenskan ríkisborgararétt.

„Rafræn umsókn um endurnýjun dvalarleyfis er mikilvægur áfangi á leið Útlendingastofnunar að innleiðingu rafrænna og stafrænna lausna við móttöku og afgreiðslu umsókna sem og í samskiptum við umsækjendur. Markmiðið með þeirri vinnu er bæta þjónustu stofnunarinnar, auka skilvirkni og spara umsækjendum sporin“ segir Kristín Völundardóttir forstjóri Útlendingastofnunar.

Umsækjendur þurfa að skrá sig inn með rafrænum skilríkjum til að opna umsóknina en leiðbeiningar fyrir umsækjendur er að finna hér: Endurnýjun dvalarleyfis

• Hótel Hraun (Reykjavíkurvegi 72 í Hafnarfirði): Opnir viðtalstímar mánudaga til fimmtudaga milli kl. 9 og 11.
  • Fyrir umsækjendur sem dvelja í búsetuúrræðum Útlendingastofnunar að Bæjarhrauni 16, Hótel Völlum, Hótel Hrauni, Trönuhrauni 10 og Grensásvegi.
  • Einnig fyrir umsækjendur um vernd sem dvelja í húsnæði á eigin vegum.
• Hótel Saga: Opnir viðtalstímar mánudaga til fimmtudaga milli kl. 9 og 11.
  • Fyrir umsækjendur sem dvelja á Hótel Sögu.
• Suðurbraut 760: Opnir viðtalstímar mánudaga til fimmtudaga milli kl. 9 og 11.
  • Fyrir umsækjendur sem dvelja á Lindarbraut og Suðurbraut.

Dvalarleyfiskort

Móttaka annarra umsókna

Alþingi hefur samþykkt lög um veitingu ríkisborgararéttar og tóku þau gildi 23. apríl síðastliðinn.

Útlendingastofnun útbýr nú ríkisfangsbréf fyrir þá umsækjendur sem fengu veittan íslenskan ríkisborgararétt og ættu þau að hafa borist Þjóðskrá Íslands í byrjun næstu viku. Liðið geta nokkrir dagar þar til Þjóðskrá hefur skráð umsækjendurna með íslenskt ríkisfang í þjóðskrárkerfið en fyrst þá geta þeir sótt um íslenskt vegabréf. Sótt er um vegabréf á sýsluskrifstofum um land allt.

Alþingi sendir út synjunarbréf til þeirra sem ekki var veitt íslenskt ríkisfang. Ákvörðun um veitingu var alfarið í höndum Alþingis og getur Útlendingastofnun ekki svarað því hvers vegna tilteknum umsækjanda var ekki veittur íslenskur ríkisborgararéttur.

Fólk á flótta frá Úkraínu sem vill fá vernd á Íslandi getur nú forskráð sig fyrir komuna til landsins.

Forskráningin flýtir fyrir skráningu og afgreiðslu umsókna um vernd og úthlutun íslenskrar kennitölu auk þess að tryggja að umsækjendur fái sem fyrst aðgang að lyfjum og annarri heilbrigðisþjónustu sem er nauðsynleg fyrir þá.

Um er að ræða samstarfsverkefni landlæknisembættisins, ríkislögreglustjóra, Útlendingastofnunar og Þjóðskrár sem unnið hefur verið með aðstoð Advania og Origo.

Samhliða þessu hefur Útlendingastofnun sett í loftið netspjall á vefslóð forskráningarinnar sem og á upplýsingavef stofnunarinnar fyrir Úkraínumenn. Markmiðið með spjallinu er að bæta aðgengi fólks á flótta frá Úkraínu að upplýsingum um rétt þeirra til að koma til Íslands, rétt þeirra til verndar á Íslandi og réttindin sem í verndinni felast.

Netspjallið verður opið virka daga milli klukkan 10:00 og 15:00 en utan þess tíma er hægt að senda inn fyrirspurnir gegnum spjallið sem svarað verður með tölvupósti.