Þú mátt ekki vinna á Íslandi án dvalar- og atvinnuleyfis.

Ísland er hluti af Schengen-svæðinu.

Þegar þú hefur komið inn í land sem er hluti af þessu svæði geturðu í grundvallaratriðum ferðast til annarra landa sem eru hluti af Schengen-svæðinu án landamæraeftirlits.

Einstakir flugrekendur geta haft mismunandi reglur um hvaða skjöl eru nauðsynleg til að fara um borð. Íslensk yfirvöld eru ekki ábyrg fyrir slíkum reglum, en það er ráðlegt að ganga úr skugga um að skjöl þín séu í samræmi við reglur flugrekanda þíns áður en þú kaupir miða.

Þessar upplýsingar eiga við um komu til Íslands en ekki um ferðir um önnur lönd. Þú verður að athuga hvaða reglur gilda um ferðir yfir landamæri fyrir úkraínska ríkisborgara í öðrum löndum sem þú þarft að fara í gegnum á leiðinni til Íslands. Því miður geta íslensk stjórnvöld ekki svarað spurningum um reglur utan landamæra Íslands.

Ef þú ert í landi sem er ekki hluti af Schengen-svæðinu máttu reikna með að skjöl þín verði skoðuð á landamærastöð þar sem þú ferð inn á Schengen-svæðið.

Ef þú ert að flýja ástandið í Úkraínu og ert kominn að landamærum Íslands og þú ert ekki með vegabréf með lífkennum, vegabréf, vegabréfsáritun eða önnur skilríki, verður þér ekki synjað um inngöngu og þú getur sótt um vernd.

Hér er tilkynning um ákvörðunina á vef stjórnarráðsins.

Umsókn þarf að leggja fram í eigin persónu.

Þú getur sótt um á Keflavíkurflugvelli við komuna til landsins.

Ef þú ert þegar á Íslandi geturðu sótt um vernd í móttökumiðstöð fyrir umsækjendur um alþjóðlega vernd í Bæjarhrauni 18 í Hafnarfirði. Þar er opið á dagvinnutíma.

Ef þú ert utan höfuðborgarsvæðisins geturðu sótt um vernd á næstu lögreglustöð. 

Nauðsynlegt er að þú mætir í móttökumiðstöðina í Bæjarhrauni 18 í Hafnarfirði til að fá þá þjónustu sem þú átt rétt á sem umsækjandi um alþjóðlega vernd.

Opnir viðtalstímar eru mánudaga til fimmtudaga milli klukkan 10 og 12.

Íslenskt SIM kort

• Kortið færðu afhent í móttökumiðstöð fyrir umsæjendur um vernd í Bæjarhrauni 18 í Hafnarfirði.

Húsnæði

• Þú þarft að mæta í móttökumiðstöðina í Bæjarhrauni 18 til að fá úthlutað húsnæði.

Fæðispeningar

• Þú þarft að mæta í móttökumiðstöðina í Bæjarhrauni 18 til að fá úthlutað greiðslukorti fyrir fæðispeninga.
• Ef þú dvelur í húsnæði á vegum Útlendingastofnunar þar sem þú færð mat áttu ekki rétt á fæðispeningum.
• Þú átt rétt á fæðispeningum þótt þú dveljir í húsnæði á eigin vegum.
• Fæðispeningar eru greiddir út vikulega.
  • Einstaklingar fá 8.000 krónur á viku.
  • Hjón/sambúðarfólk fá 13.000 krónur á viku.
  • Börn fá 5.000 krónur á viku.
• Hámarksgreiðsla fyrir fjölskyldu er 28.000 krónur á viku.

Framfærslufé

• Þú þarft að mæta í móttökumiðstöðina í Bæjarhrauni 18 til að fá úthlutað greiðslukorti fyrir framfærslufé.
• Framfærslufé er greitt út vikulega eftir fjögurra vikna dvöl.
  • Fullorðnir einstaklingar fá 2.700 krónur á viku.
  • Börn fá 1.000 krónur á viku.

Heilbrigðisþjónusta

• Umsækjendur um alþjóðlega vernd eiga rétt á nauðsynlegri heilbrigðisþjónustu og lyfjum sem eru þeim nauðsynleg á meðan mál þeirra eru til meðferðar hjá íslenskum stjórnvöldum.
• Leita skal í móttökumiðstöðina í Bæjarhrauni 18 til að óska eftir læknistíma. Opnir viðtalstímar eru mánudaga til fimmtudaga milli klukkan 10 og 12. Sé um bráðatilvik að ræða skal leita á bráðamóttöku.
• Umsækjendur þurfa að undirgangast læknisskoðun svo fljótt sem verða má eftir komuna til landsins. Skoðunin er byggð á lögum um sóttvarnir. Útlendingastofnun mun bóka fyrir þig tíma í læknisskoðun og láta þig vita hvenær og hvert þú átt að mæta.

Skólaganga fyrir börn

• Börn umsækjenda um alþjóðlega vernd eiga rétt á því að ganga í skóla. Leitast er við að barn sé komið í almennan skóla innan fjögurra vikna frá umsókn um alþjóðlega vernd.
• Áður en börn geta byrjað í skóla er nauðsynlegt að þau hafi farið í læknisskoðun.

Almenningssamgöngur 

• Útlendingastofnun sér til þess að umsækjandi geti notað almenningssamgöngur sér að kostnaðarlausu til að sinna þeim erindum sem tengjast umsókninni.

Já. Umsókn um dvalarleyfi skal fyllt út og undirrituð af umsækjanda. Jafnframt þarf að senda umsóknina í frumriti til stofnunarinnar, sjá upplýsingar um umsóknarferlið.

Ef þú ert með dvalarleyfi í öðru öruggu landi sem þú getur snúið aftur til gætum við synjað þér um að sækja um dvalarleyfi frá Íslandi, ef þú tilheyrir ekki þeim hópum sem venjulega eiga rétt á að sækja um frá Íslandi.

Skilyrðum til að fá dvalarleyfi á Íslandi hefur að öðru leyti ekki verið breytt. 

Hér eru upplýsingar um dvalarleyfi.