Uppfært 4. nóvember 2020

Athugið að nýjustu upplýsingar um ferðatakmarkanir til Íslands vegna covid-19 verður héðan í frá að finna á vef lögreglunnar:

Um ferðatakmarkanir til Íslands vegna COVID-19

Upplýsingarnar hér að neðan hafa verið uppfærðar í samræmi við reglugerð um breytingu á reglugerð um för yfir landamæri frá 10. ágúst sl.

Dómsmálaráðherra hefur ákveðið að framlengja ferðatakmarkanir ESB og Schengen ótímabundið en afnema jafnframt takmarkanir gagnvart íbúum tiltekinna ríkja í samræmi við lista aðildarríkja ESB. 

Erlendum ríkisborgurum öðrum en þeim sem taldir eru upp hér að neðan er áfram óheimilt að koma til Íslands nema þeir geti sýnt fram á að för þeirra sé vegna brýnna erinda.

Til hverra ná ferðatakmarkanirnar ekki?

Ferðatakmarkanir gilda ekki um:

1. Ríkisborgara aðildarríkja EES og EFTA (þ.m.t. Bretland) sem og ríkisborgara Andorra, Mónakó, San Marínó og Vatíkansins.
   
   
2. Erlenda ríkisborgara með gilt dvalarleyfi eða annars konar dvalar- eða búseturétt á Íslandi eða í öðru EES/EFTA ríki (þ.m.t. Bretlandi), Andorra, Mónakó, San Marínó eða Vatíkaninu.
   
   
3. Aðstandendur Íslendinga, EES/EFTA-borgara (þ.m.t. breskir ríkisborgarar), ríkisborgara Andorra, Mónakó, San Marínó eða Vatíkansins sem og aðstandendur dvalarleyfishafa á Íslandi eða í öðru EES/EFTA ríki (þ.m.t. Bretlandi), Andorra, Mónakó, San Marínó eða Vatíkaninu. Með aðstandendum er átt við maka, sambúðarmaka, afkomendur og ættingja í beinan legg.
   
   
4. Erlenda ríkisborgara sem eru í nánu parasambandi, sem staðið hefur um lengri tíma, með einstaklingi sem er löglega búsettur hér á landi. Athugið að ákvæðið nær ekki til aðila sem eru í nánu parasambandi við íslenska ríkisborgara sem búsettir eru erlendis.
   
   
5. Erlenda ríkisborgara sem hafa sannanlega búsetu í og eru að koma til landsins frá einu af eftirtöldum ríkjum:
   
   Ástralíu, Georgíu, Japan, Kanada, Nýja Sjálandi, Rúanda, Suður Kóreu, Tælandi, Túnis og Úrúgvæ.

Vinsamlegast athugið að áritunarskyldir einstaklingar þurfa eftir sem áður að fá útgefna vegabréfsáritun til að mega ferðast til Íslands. Reglur um vegabréfsáritanir geta því takmarkað rétt einstaklinga til að koma til landsins jafnvel þótt ferðatakmarkanirnar nái ekki til þeirra.

* Með staðfestu vottorði er átt við að opinbert stjórnvald sem til þess hefur heimild hafi vottað útgáfu skjalsins. Vottorðum á öðrum tungumálum en ensku eða norðurlandamáli þarf að fylgja þýðing á ensku.

Skilyrðin hér að ofan gilda um alla þá sem koma inn á Schengen svæðið á Íslandi óháð því hvort þeir ætli sér að ferðast héðan áfram til annarra aðildarríkja Schengen samstarfsins.

Frá og með 15. júní eiga ofan taldir einstaklingar þess kost að fara í sýnatöku vegna COVID-19 við komuna til landsins í stað 14 daga sóttkvíar, sjá nánari upplýsingar á covid.is.

Undanþágur vegna brýnna erinda

Erlendir ríkisborgarar aðrir en þeir sem taldir eru upp hér að ofan eru undanþegnir ferðatakmörkununum ef þeir koma til landsins í brýnum erindagjörðum, þ. á m.:

1. farþegar í gegnumferð,
2. starfsfólk á sviði heilbrigðisþjónustu og öldrunarþjónustu,
3. starfsfólk sem sinnir flutningum á vöru og þjónustu,
4. einstaklingar sem hafa þörf á alþjóðlegri vernd,
5. einstaklingar sem þurfa að ferðast vegna brýnna aðstæðna í fjölskyldu sinni,
6. diplómatar, starfsmenn alþjóðastofnana, meðlimir herliðs og starfsmenn sem sinna mannúðaraðstoð,
7. námsmenn, athugið að sýna þarf fram á að tilgangur ferðar sé að sækja skipulagt nám/námskeið,
8. einstaklingar sem þurfa nauðsynlega að ferðast vegna starfa sem teljast efnahagslega mikilvæg og störf þeirra geta ekki verið framkvæmd síðar eða erlendis.

Athugið að ekki eru veittar undanþágur fyrir ferðamennsku af neinu tagi.

Vinsamlegast athugið að námsmönnum sem eru skráðir í háskólanám á Íslandi nægir að framvísa staðfestingu á skólavist við íslenskan háskóla ásamt gildum ferðaskilríkjum til að mega koma inn í landið.

Einstaklingar sem þurfa nauðsynlega að ferðast vegna starfa geta óskað eftir staðfestingu á undanþágu frá ferðatakmörkunum með því að senda póst á This email address is being protected from spambots. You need JavaScript enabled to view it..

Takmörkuð útgáfa vegabréfsáritana

Þar sem útgáfa vegabréfsáritana liggur niðri í mörgum löndum sem gefa út áritanir fyrir Íslands hönd gætu einstaklingar sem þurfa áritun til að ferðast til Íslands þurft að fresta för sinni þar til útgáfa áritana hefst á nýjan leik.

Einstaklingar sem þurfa áritun til að mega ferðast til Íslands geta haft samband við utanríkisráðuneytið sem veitir upplýsingar um útgáfu áritana, This email address is being protected from spambots. You need JavaScript enabled to view it..

Vegna mikils fjölda fyrirspurna sem berast stofnuninni á hverjum degi viljum við koma eftirfarandi upplýsingum á framfæri.

Ferðatakmarkanir til Íslands

Erlendum ríkisborgurum, sem eru ekki ríkisborgarar EES/EFTA eða Bretlands, er almennt óheimilt að koma til Íslands. Þetta á þó ekki við um þá sem eru með gilt dvalarleyfi á Íslandi eða einhverju öðru EES/EFTA ríki eða eru fjölskyldumeðlimir íslenskra eða EES/EFTA ríkisborgara. Nánari upplýsingar um undanþágur frá ferðatakmörkunum til Íslands.

Ef þú telur að þú eða fjölskylda þín sé undanþegin ferðatakmörkunum, má senda tölvupóst á This email address is being protected from spambots. You need JavaScript enabled to view it..

Fastur á Íslandi

Erlendir ríkisborgarar, sem staddir eru hér á landi og komast ekki til síns heima vegna ferðatakmarkana, sóttkvíar eða einangrunar, mega dvelja hér á landi án dvalarleyfis eða vegabréfsáritunar til og með 10. ágúst 2020. Nánari upplýsingar um heimild til dvalar án dvalarleyfis.

Ferðalög til Íslands

Upplýsingar um ferðalög til Íslands, aðgerðir stjórnvalda vegna Covid-19 s.s. um sóttkví og skimun eru á covid.is. 

Frekari spurningar varðandi ferðalög til Íslands, má senda í gegnum spurningagátt á covid.is en vegna fjölda fyrirspurna getur tekið nokkra daga að svara fyrirspurn þinni.

Erlendir ríkisborgarar sem staddir eru hér á landi og komast ekki til síns heima vegna ferðatakmarkana, sóttkvíar eða einangrunar mega dvelja hér á landi án dvalarleyfis eða vegabréfsáritunar til og með 10. ágúst 2020.

Um er að ræða framlengingu á heimild sem bætt var við reglugerð um útlendinga með bráðabirgðaákvæði í byrjun apríl.

Um hverja gildir bráðabirgðaákvæðið?

Ákvæðið gildir um útlendinga sem dvöldu hér á landi fyrir innleiðingu ferðatakmarkana þann 20. mars 2020 á grundvelli:

• dvalarleyfis, sem nú er útrunnið eða rennur út áður en viðkomandi getur yfirgefið landið,
• áritunar, sem nú er útrunnin eða rennur út áður en viðkomandi getur yfirgefið landið,
• áritunarfrelsis, en mun hafa dvalið lengur en 90 daga á Schengen svæðinu áður en viðkomandi getur yfirgefið landið.

Vinsamlegast athugið að ákvæðið nær aðeins til þeirra sem komast ekki til síns heima vegna ferðatakmarkana, sóttkvíar eða einangrunar.

Um hverja gildir bráðabirgðaákvæðið ekki?

Ákvæðið gildir ekki um útlendinga sem voru í ólögmætri dvöl fyrir 20. mars 2020 og kemur ekki í veg fyrir frávísun eða brottvísun á þeim grundvelli eða öðrum grundvelli samkvæmt ákvæðum útlendingalaga.

Vinsamlegast athugið að skortur á beinum flugsamgöngum til heimalands, hár kostnaður við ferðalög eða annað óhagræði af því að ferðast um þessar mundir eru ekki ástæður sem heimila dvöl án dvalarleyfis eða áritunar.

Þarf ég að óska eftir heimild til að dvelja lengur á landinu?

Nei, ekki þarf að óska eftir heimild til að dvelja lengur á landinu. Ákvæðið veitir þeim sem hún nær til sjálfkrafa heimild til að dvelja lengur á landinu án dvalarleyfis eða vegabréfsáritunar.

Hvað má ég dvelja lengi á landinu?

Erlendir ríkisborgarar í þessari stöðu eru beðnir um að yfirgefa landið eins fljótt og ferðatakmarkanir, sóttkví eða einangrun koma ekki í veg fyrir að þeir komist til síns heima eða í síðasta lagi 10. ágúst 2020.

Landamæri Íslands eru opin íbúum og ríkisborgurum ESB/EES og EFTA en Ísland fylgir ferðatakmörkunum á ytri landamærum Schengen-svæðisins.

Frá 15. júní munu þeir farþegar sem er heimilt að ferðast til Íslands eiga kost á að fara í sýnatöku vegna COVID-19 á landamærum í stað 14 daga sóttkvíar, samkvæmt tilkynningu stjórnvalda.  Að svo stöddu verður ekki hægt að framvísa vottorði um próf erlendis til að fá undanþágu frá sóttkví.

• Áður en farþegar leggja af stað til Íslands ber þeim að fylla út forskráningaform.
• Á Keflavíkurflugvelli og annars staðar þar sem farþegar koma til landsins mun heilsugæslan sjá um sýnatökur.
• Frá og með 1. júlí greiða komufarþegar 11.000 krónur fyrir hvert próf.
• Eftir sýnatöku getur farþeginn farið á sinn áfangastað og er ráðlagt að fara varlega uns niðurstöður eru tilkynntar.
• Niðurstöðu úr prófinu er að vænta innan 24 klukkustunda.
• Ef niðurstaða sýnatöku er jákvæð fer af stað hefðbundið ferli, hringt er í viðkomandi, hann boðaður í blóðprufu m.a. til að ganga úr skugga um hvort hann sé smitandi og hvort grípa þurfi til ráðstafana varðandi smitrakningu og fjarheilbrigðisþjónustu. 
• Börn, fædd 2005 og síðar, verða undanþegin kröfum um sóttkví og skimun.
• Farþegar eru hvattir til að hlaða niður smáforritinu, Rakning C-19.

Það athugist að heimilt er að vísa þeim einstaklingum frá landinu sem ekki geta eða vilja fara eftir þeim reglum sem settar hafa verið um sóttkví, einangrun og sýnatöku við landamæri vegna COVID-19 enda teljast þeir einstaklingar geta ógnað almannaheilbrigði.

Allar nánari upplýsingar er að finna á covid.is og í leiðbeiningum sóttvarnalæknis.