Unnið er að innleiðingu nýrra dvalarleyfiskorta hjá Útlendingastofnun og er stefnt að því að taka þau í notkun í júlí. Þangað til nýju kortin hafa verið tekin í notkun verður útgáfa dvalarleyfiskorta áfram takmörkuð.

Vegna uppfærslu á kortakerfinu verða takmarkanir á myndatökum í vikunni 14. til 18. júní og ekki hægt að gefa út dvalarleyfiskort á þeim tíma.

Vinsamlegast gerið viðeigandi ráðstafanir og hafið samband sem fyrst ef þið þurfið dvalarleyfiskort til að ferðast á næstunni.

Dvalarleyfateymi Útlendingastofnunar er nú önnum kafið við að afgreiða umsóknir um dvalarleyfi fyrir námsmenn fyrir komandi skólaár.

Hvað tekur langan tíma að afgreiða umsóknina þína?

Stofnunin reynir eftir fremsta megni að afgreiða allar umsóknir fyrir upphaf haustannar en við getum aðeins ábyrgst að umsóknir sem berast með fullnægjandi fylgigögnum fyrir 1. júní verði afgreiddar í tæka tíð.

Vinsamlegast athugið að Útlendingastofnun getur ekki tekið á móti umsóknum með rafrænum hætti. Umsóknir þarf að senda með bréfpósti eða skila í póstkassa í anddyri stofnunarinnar (frá 8 til 16 virka daga).

Þú getur athugað hvaða umsóknir hafa verið teknar til vinnslu á upplýsingasíðu vefsins um afgreiðslutíma. Ef þú lagðir inn umsókn þína eða greiddir fyrir hana síðar en dagsetningin sem fram kemur í töflunni, hefur umsókn þín ekki verið tekin til afgreiðslu.

Tölvupóstar og símtöl til stofnunarinnar með fyrirspurnum um stöðu umsóknar flýta ekki fyrir afgreiðslunni. Við munum hafa samband við þig ef umsókn þín eða fylgigögn eru ófullnægjandi og þegar leyfið hefur verið veitt.

Hvað getur þú gert til að flýta fyrir afgreiðslu umsóknar?

• Gættu þess að láta öll nauðsynleg fylgigögn fylgja með umsókn, lista yfir þau gögn sem þurfa að fylgja er að finna hér.

• Gættu þess að fylgigögnin uppfylli gagnakröfur stofnunarinnar.

Einkum þarftu að gæta þess að sakavottorðið sem þú leggur fram hafi verið gefið út af æðsta yfirvaldi sem heimilt er að gefa út slíkt vottorð í viðkomandi landi. Vottorðið þarf að sýna að leitað hafi verið í gagnagrunnum alls landsins en ekki einungis á ákveðnum svæðum (t.d. ríkjum eða fylkjum). Fyrir nema frá Bandaríkjunum þýðir þetta að þeir þurfa að skila inn FBI sakavottorði, Kanadabúar þurfa að skila inn RCMP vottorði og nemar frá Taílandi þurfa að skila inn vottorði sem gefið er út af Royal Thai Police.

• Gættu þess að þú uppfyllir skilyrði um trygga sjálfstæða framfærslu og að þú sýnir fram á trygga framfærslu þína með fullnægjandi hætti.

Útlendingastofnun ítrekar að vegna lágrar birgðastöðu hefur útgáfa dvalarleyfiskorta verið takmörkuð. Vonast er til að ný kort berist ekki síðar en í júní.

Aðeins eru gefin út dvalarleyfiskort til einstaklinga sem geta sýnt fram á að þeir þurfi á þeim að halda vegna ferðalaga erlendis. Senda þarf gild ferðagögn, s.s. flugmiða, á This email address is being protected from spambots. You need JavaScript enabled to view it. til staðfestingar.

Í stað dvalarleyfiskorta fá umsækjendur bréf frá Útlendingastofnun til staðfestingar á útgáfu dvalarleyfis, með upplýsingum um gildistíma og atvinnuréttindi.

Útlendingastofnun biðst innilegrar velvirðingar á þeim óþægindum sem þetta kann að valda.

New in Iceland - Ráðgjafarstofa fyrir innflytjendur hefur tekið til starfa.

Ráðgjafarstofan hefur það hlutverk að veita innflytjendum leiðbeiningar og upplýsingar um hvernig er að búa á Íslandi. Þjónustan er ókeypis og veitt í trúnaði.

Meðal annars eru veitt svör við spurningum varðandi vinnumarkaðinn, heilbrigðiskerfið, menntun, sjúkratryggingar, löglega skráningu, húsnæðismál, heimilisofbeldi, félagsþjónustu, skattamál, fjármál, fjölskyldumál og margt fleira.

Á Ráðgjafarstofunni er töluð enska, pólska, spænska, portúgalska, arabíska, litáíska, rússneska og íslenska og símatúlkun er í boði fyrir önnur tungumál.

Hægt er að hafa samband með því að hringja, nota netspjall eða senda tölvupóst.