Hvað telst vera fullt nám og fullnægjandi námsárangur?

Heimilt er að veita útlendingi sem ætlar að stunda fullt nám hér á landi dvalarleyfi enda fullnægi hann þeim kröfum sem gerðar eru í viðkomandi námi um undirbúning, þar á meðal tungumálakunnáttu.

Fullt nám telst vera 100% nám á háskólastigi, iðnnám eða það nám annað  sem gerir sambærilegar kröfur til undirbúningsmenntunar og nám á háskólastigi.

Fullt nám

Þegar sótt er um námsmannaleyfi er eitt af skilyrðum fyrir veitningu leyfis að um fullt nám sé að ræða.

• Fullt nám á framhaldsskólastigi er 17 einingar.
• Fullt nám í Háskóla er 30 einingar (ECTS) í Háskóla Íslands á önn. 

Fullnægjandi námsárangur

Þegar sótt er um framlengingu á námsmannaleyfi þarf umsækjandi að sýna fram á, með staðfestingu frá viðkomandi skóla, að námsárangur síðastliðinnar annar hafi verið fullnægjandi.

Við fyrstu endurnýjun:

• Fullnægjandi árangur á framhaldsskólastígi miðast við 50% á önn eða a.m.k. 8,5 einingar á önn.
• Fullnægjandi námsárangur í háskóla miðast við 50% á önn eða a.m.k. 15 einingar (ECTS).

Eftir fyrstu endurnýjun (við aðra endurnýjun):

• Fullnægjandi árangur á framhaldsskólasigi miðast við 75% á önn eða a.m.k. 13 á önn.
• Fullnægjandi námsárangur í háskóla miðast við 75% á önn eða a.m.k. 22 einingar (ECTS).