Dvalar- og atvinnuleyfi

Dvalarleyfi á grundvelli atvinnu skiptist í þrjá flokka:

Dvalarleyfi vegna tímabundins skorts á vinnuafli

• Heimilt er að veita útlendingi dvalarleyfi vegna tímabundins skorts á vinnuafli þegar starfsfólk fæst hvorki á innlendum vinnumarkaði né innan Evrópska efnahagssvæðisins, í EFTA-ríkjum eða í Færeyjum.
• Um er að ræða tímabundið leyfi sem er hægt að framlengja einu sinni.
• Leyfi vegna tímabundins skorts á vinnuafli gefa ekki rétt til fjölskyldusameiningar
• Leyfi vegna tímabundins skorts á vinnuafli telja ekki upp í búsetuleyfi.

Dvalarleyfi vegna starfs sem krefst sérfræðiþekkingar

• Heimilt er að veita útlendingi dvalarleyfi vegna tiltekins starfs hér á landi sem krefst sérfræðiþekkingar.
• Ekki er um að ræða tímabundið verkefni.
• Samkvæmt lögum um atvinnuréttindi útlendinga þarf sérfræðiþekking útlendingsins að vera nauðsynleg hlutaðeigandi fyrirtæki og fela í sér háskóla-, iðn-, list- eða tæknimenntun sem er viðurkennd hér á landi.
• Sérfræðingar eiga rétt á fjölskyldusameiningu.
• Sérfræðingaleyfi telja upp í búsetuleyfi.

Dvalarleyfi íþróttafólks

• Heimilt er að veita tímabundið dvalarleyfi vegna starfa íþróttamanna og þjálfara hjá íþróttafélögum innan Íþrótta- og Ólympíusambands Íslands.
• Á heimasíðu Íþrótta- og Ólympíusambands Íslands www.isi.is má finna aðildarfélög sambandsins.
• Íþróttamenn eiga rétt á fjölskyldusameiningu.
• Íþróttamenn telja ekki upp í búsetuleyfi.

Þeir útlendingar sem fengu veitt dvalar- og atvinnuleyfi (B- eða C- leyfi) samkvæmt eldri lögum um útlendinga nr. 96/2002 halda réttindum sínum og halda áfram að telja upp í búsetuleyfi. Þeir eiga rétt á fjölskyldusameiningu.

Veldu flokk sem við á:

• Ertu að sækja um vegna tímabundins skorts á vinnuafli?
• Ertu að sækja um vegna starfs sem krefst sérfræðiþekkingar?
• Ertu íþróttamaður eða þjálfari?

Ef ekkert að ofantöldu á við:

• Þú hefur áður fengið útgefið dvalar- og atvinnuleyfi (C- eða B- leyfi) og ætlar að sækja um endurnýjun á dvalarleyfinu?