Leiðbeiningar umsækjanda um myndatöku fyrir dvalarleyfiskort.

Útlendingur sem má vera staddur á landinu þegar umsókn um dvalarleyfi er lögð fram:

• Umsækjandi kemur í eigin persónu í byrjun umsóknarferlis á umsóknarstað og er skylt að koma með þau ferðaskilríki/vegabréf sem hann framvísaði við komu til landsins
• Myndataka fer fram á umsóknarstað
• Umsækjandi skilar inn umsókn og öðrum fylgigögnum og greiðir fyrir umsókn

Útlendingur sem ekki má vera staddur á landinu þegar umsókn um dvalarleyfi er lögð fram:

• Myndataka fer fram eftir komu til landsins þegar leyfi hefur verið veitt.
• Þegar dvalarleyfi hefur verið veitt fær umsækjandi tilkynningu frá Útlendingastofnun þess efnis að umsækjandi eigi að koma í eigin persónu í myndastöku og skal umsækjandi einnig hafa meðferðis þau ferðaskilríki/vegabréfi sem hann framvísaði við komu til landsins.

Sýslumenn taka á móti umsóknum dvalarleyfi og taka myndir af umsækjendum. Sýslumenn í Kópavogi og Hafnarfirði ásamt Útlendingastofnun munu sjá um móttöku umsókna á höfuðborgarsvæðinu.