Vegna bilunar í hugbúnaði tölvukerfis Útlendingastofnunar hefur hægst á rafrænum samskiptum Útlendingastofnunar og Vinnumálastofnunar. Þessi bilun hefur í för með sér seinkun á vinnslu atvinnutengdra dvalarleyfa. Unnið er að viðgerð en gera má ráð fyrir því að það taki nokkra daga. Útlendingastofnun biðst velvirðingar á þeim óþægindum sem þetta kann að valda.

A new central database, Visa Information System – VIS, started operations on October 11th.  Applications for visas for the Schengen area, including Iceland will be registered in this system, which the Directorate is now a part of.

Iceland‘s participation in this system is a part of the Schengen participation and respective legislation, e.g. the regulation on visas No. 1160/2010.

The VIS will not start operations on the same date in all Schengen consulates worldwide.  It has started in North Africa and will gradually be implemented worldwide.  Applicants must appear in person, be photographed and fingerprinted and the biometric information will be stored in the central system.  The VIS helps to avoid identity and visa fraud and will enhance security at the borders, as fingerprints will be checked ensuring that only the rightful visa holder is using the visa.

Vegna fjölmiðlaumfjöllunar um málefni hælisleitenda hér á landi í síðustu viku vill Útlendingastofnun koma eftirfarandi tölfræði og útskýringum á framfæri.

Hér að neðan er birt yfirlit yfir fjölda umsókna um hæli hér á landi frá árinu 1996 til 2010 og afdrif þeirra umsókna. Eins og sjá má af yfirlitinu þá er fjöldi hælisleitenda hér á landi nokkuð breytilegur milli ára og má segja að mjög fáar umsóknir hafi verið lagðar fram á árunum 1996 til 2000 en frá árinu 2001 hefur fjöldi umsókna á ári verið frá 35 og til 117. Yfirlitið er þannig upp byggt að litið er til fjölda umsókna á hverju ári og hver afdrif þeirra umsókna hafa orðið. Rétt er að árétta að málsmeðferðartími vegna umsókna um hæli getur verið misjafn og sum málanna hafa ekki verið afgreidd á því ári sem umsókn berst.

Til þess að útskýra töfluna skal bent á þrjá meginflokka:

Drógu til baka/horfnir: á hverju ári er töluverður fjöldi umsókna lagður upp þar sem umsækjandi kýs að draga umsókn sína til baka eða hreinlega yfirgefur landið áður en niðurstaða liggur fyrir í máli hans.

Endursendingar: með endursendingum er átt við mál sem afgreidd eru á grundvelli Dyflinnarreglugerðarinnar eða annarra samninga sem kveða á um að annað ríki skuli fjalla um umsókn viðkomandi um hæli. Í þeim málum taka íslensk stjórnvöld ekki afstöðu til þess hvort viðkomandi þurfi á hæli eða vernd að halda hér á landi þar sem annað aðildarríki fyrrgreindra samninga ber ábyrgð á meðferð umsóknarinnar.

Efnismeðferð: hér er átt við þau mál þar sem íslensk stjórnvöld taka efnislega afstöðu til þess hvort viðkomandi umsækjandi skuli fá hæli eða mannúðarleyfi hér á landi.

Þegar fjallað er um mál hælisleitenda á Íslandi er því oft slegið upp að mjög fáir einstaklingar fái hæli hér á landi eða jákvæða niðurstöðu í sitt mál. Sé einungis litið til fjölda umsókna á ári og þess hve margir fá leyfi til dvalar þá er það rétt að hlutfall þeirra sem fá leyfi hefur oft á tíðum verið lágt. Hins vegar er rétt að árétta að þegar tekið er tillit til þeirra sem láta sig hverfa eða draga umsókn sína til baka þá breytist hlutfallið töluvert. Þá má sjá að þróunin hefur verið sú frá árinu 2007 að fleiri hælisleitendur fá jákvæða niðurstöðu.

Samantekt:

Árið 2007 fengu 8 af 42 umsækjendum um hæli dvalarleyfi eða hæli þ.e. um 19%. Séu þau mál dregin frá þar sem umsækjandi dró til baka eða lét sig hverfa þá er hlutfallið um 24%. Sé einungis litið til þeirra mála sem Útlendingastofnun tók til efnismeðferðar þá er hlutfall þeirra sem fá áframhaldandi leyfi til dvalar 47%.

Árið 2008 fengu 11 af 73 umsækjendum um hæli dvalarleyfi eða hæli þ.e. um 15%. Séu þau mál dregin frá þar sem umsækjandi dró til baka eða lét sig hverfa þá er hlutfallið um 19%. Sé einungis litið til þeirra mála sem Útlendingastofnun tók til efnismeðferðar þá er hlutfall þeirra sem fá áframhaldandi leyfi til dvalar um 50%. Að auki snéri dómsmálaráðuneytið við einni synjun Útlendingastofnunar frá því ári.

Árið 2009 fengu 9 af 35 umsækjendum um hæli dvalarleyfi eða hæli þ.e. tæp 26%. Séu þau mál dregin frá þar sem umsækjandi dró til baka eða lét sig hverfa þá er hlutfallið um 33%. Sé einungis litið til þeirra mála sem Útlendingastofnun tók til efnismeðferðar þá er hlutfall þeirra sem fá áframhaldandi leyfi til dvalar um 60%.

Árið 2010 er ekki marktækt til samanburðar þar sem enn á eftir að taka ákvörðun í 8 málum frá því ári.

Yfirlit yfir fjölda umsókna um hæli frá 1996 til 2010 og afdrif þeirra:

Frá árinu 2010 eru enn í efnismeðferð 8 umsóknir um hæli.

Það sem af er árinu 2011 hafa 15 manns sótt um hæli á Íslandi.