ÝMIS FRÓÐLEIKUR/FRÉTTIR
Breytt verklag á greiðslum vegna umsókna um dvalarleyfi.
Í dag mánudaginn 15. janúar hefur Útlendingastofnun tekið upp breytt verklag við gjaldtöku fyrir umsóknir um dvalarleyfi. Frá og með deginum í dag er gerð sú krafa að greiðslukvittanir fylgi öllum umsóknum um dvalarleyfi er berast Útlendingastofnun. Umsóknir sem berast Útlendingastofnun án greiðslukvittunar verða ekki teknar til afgreiðslu og endursendar til umsækjanda/umboðsmanns/atvinnurekanda. Umsóknir verða því endursendar, þrátt fyrir að greitt hafi verið fyrir þær, í þeim tilfellum sem greiðslukvittun fylgir ekki með umsókn. Ekki verður tekið á móti umsóknum í afgreiðslu Útlendingastofnunar nema greitt sé fyrir þær.
