Áætlaður afgreiðslutími umsókna

Ríkisborgarar utan EES

• Afgreiðslutími getur verið allt að 90 dagar.
• Afgreiðslutími getur hins vegar verið mismunandi og fer það meðal annars eftir álagi hverju sinni hjá stofnuninni.
• Vel útfyllt umsókn ásamt fullnægjandi gögnum getur flýtt afgreiðslu til muna.

Ath. að um meðalafgreiðslutíma er að ræða.

Til að afgreiðsla umsóknar gangi sem hraðast fyrir sig er æskilegt að:

• fylla umsókn út vel og vandlega og skila inn í frumriti.
• ganga úr skugga um að öll fylgigögn séu til staðar.
• betra er að bíða með að skila inn umsókn þar til öll gögn liggja fyrir.
• Eftirfarandi er listi af gögnum sem þurfa að koma í frumriti/staðfest afrit af frumriti:

• sakavottorð ( tökum aðeins við frumriti).

Vakin er athygli á því að bandarískir ríkisborgarar og þeir einstaklingar sem búsettir hafa verið í Bandaríkjunum undanfarin 5 ár sem hyggjast sækja um dvalarleyfi á landinu, þurfa að skila inn sakavottorði frá því fylki sem þeir hafa verið búsettir í síðastliðin 5 ár.

• forsjárgögn
• fæðingarvottorð
• skilnaðargögn
• heilbrigðisvottorð
• hjúskaparvottorð
• vottorð um staðfesta samvist
• vottorð um skráða sambúð
• dánarvottorð
• framfærsla

Umsókn sem er skilað inn ásamt öllum fylgigögnum er sett í forgang.

Ef fullnægjandi gögn eru ekki til staðar þá lengist afgreiðslutími umsókna umtalsvert.