C og D áritun

D-áritun er gefin út þegar útlendingur hefur fengið jákvæða afgreiðslu á umsókn sinni um dvalarleyfi á Íslandi, sem þýðir að eftir komu útlendings til landsins að ákveðnum skilyrðum uppfylltum mun útlendingurinn fá útgefið dvalarleyfi. Þegar Útlendingastofnun hefur ákveðið að veita dvalarleyfi sendir stofnunin út beiðni um D-áritun sem útlendingur sækir svo í viðkomandi sendiráð.

C-áritun er ferðamannaáritun og er að öllu jöfnu ekki gefin út til lengri tíma en 90 daga og er megintilgangur að koma í stutta heimsókn. Útlendingur sækir sjálfur um C-áritun í viðkomandi sendiráði.